Dështon mbledhja e PDK-së, takimi shtyhet për nesër në mëngjes

21:54 | 9 Maj 2017
M. A.

Mbledhja e thirrur nga kryetari i Partisë Demokratike të Kosovës, Kadri Veseli, që deputetët e PDK-së sonte rreth orës 19:00 të jenë në Prishtinë për të marrë pjesë në takim, nuk është mbajtur fare, shkruan arbresh.info

Burime të portalit “arbresh.info” brenda kësaj partie kanë thënë se takimi nuk është mbajtur sonte por është shtyre për nesër në orën 08:00 të mëngjesit.

Veseli gjatë ditës ka kërkuar nga deputetët e PDK-së që të jenë në Prishtinë për të marrë pjesë në mbledhjen e kryesisë së PDK-së të paralajmëruar në orën 19:00.

“I / e nderuar deputet ju njoftoj qe me daten 09/05/2017 ne ora 19:00 ju lutem te gjithëve te jeni në Prishtinë! Ju lutem konfirmone pjesmarrjen”, thuhet në mesazhin e PDK-së./Arbresh.info